AD HERE

ඩෙංගු රෝගය මර්දනයට නව බැක්ටීරියාවක් ඕස්ට්‍රේලියාවේ සොයාගෙන තිබෙනවා

ශ්‍රී ලංකාවේ ශීඝ්‍රයෙන් පැතිර යමින් පවතින ඩෙංගු රෝගය මර්දනය කිරීම පිණිස ඕස්ට්‍රේලියාවේ සොයාගෙන තිබෙන නව බැක්ටීරියාව යොදා ගැනීමේ හැකියාව පිළිබඳව අවධානය යොමු වී ඇති බව සෞඛ්‍ය අමාත්‍ය දොස්තර රාජිත් සේනාරත්න පවසයි.
ඕස්ට්‍රේලියාව සොයා ගත් බැක්ටීරියාව මගින් ඩෙංගු මදුරුවාගේ විෂ අඩු කිරීමේ හැකියාවක් ඇති අතර, එය දැනට වියට්නාමය, ඉන්දුනීසියාව වැනි රටවල අත්හදා බලා තිබෙන බවත් රජයේ ප්‍රවෘත්ති දෙපාර්තමේන්තුව සඳහන් කරයි.
"එය සාර්ථක වුවහොත් සෑම ප්‍රදේශයකටම බැක්ටීරියාව ඇතුල් කර ඩෙංගු මදුරු මර්දන කටයුතු ක්‍රියාත්මක කළ හැකි බව ජාතික ඩෙංගු මර්දන ව්‍යාපාරයේ ජාතික සම්බන්ධීකාරක හසිත තිසේරා මහතා සඳහන් කරයි," යනුවෙන්ද ප්‍රවෘත්ති දෙපාර්තමේන්තුවේ වෙබ් අඩවිය පවසයි.