AD HERE

දිවයිනේ සියලු ම පාසල් ඩෙංගුවලින් තොර කලාපයන් බවට පත්කිරීම අරමුණු කරගනිමින් ජුලි මස 28, 29 සහ 30 යන තෙදින තුළ විශේෂ ඩෙංගු රෝග මර්දන වැඩසටහනක් සෑම පාසලක ම ක්‍රියාත්මක කිරීමට අධ්‍යාපන අමාත්‍යාංශය තීරණය කර තිබෙනවා.



දිවයිනේ සියලු ම පාසල් ඩෙංගුවලින් තොර කලාපයන් බවට පත්කිරීම අරමුණු කරගනිමින් ජුලි මස 28, 29 සහ 30 යන තෙදින තුළ විශේෂ ඩෙංගු රෝග මර්දන වැඩසටහනක් සෑම පාසලක ම ක්‍රියාත්මක කිරීමට අධ්‍යාපන අමාත්‍යාංශය තීරණය කර තිබෙනවා.

ඒ අනුව, පාසල් දරුවන්, ආදිශිෂ්‍යයින්, දෙමව්පියන් ඇතුළු පාසල් ප්‍රජාවගේ සහභාගීත්වය ද ඇතිව ප්‍රාදේශීය සෞඛ්‍ය වෛද්‍ය නිලධාරීන්ගේ සහයෝගය ද ලබාගනිමින් මෙම වැඩසටහන් සියලු පාසල් තුළ සක්‍රීය ව ක්‍රියාවට නැංවීමට අපේක්ෂිතයි.
මීට අමතරව මෙම විශේෂ වැඩසටහන සඳහා පාසල් ප්‍රජාව සමඟ ත්‍රිවිධ හමුදාව, පොලිසිය සහ ‍සිවිල් ආරක්ෂක බළකාය ද අත්වැල් බැඳගනු ඇති.
හෙට දිනයේ සුපුරුදු පරිදි පාසල් පැවැත්වෙන අතර, අධ්‍යයන කටයුතු වෙනුවට පාසල් කාලය පුරා පාසල් දරුවන් ද සම්බන්ධ කරගනිමින් මෙම පවිත්‍රතා ශ්‍රමදාන වැඩසටහන ක්‍රියාවට නැංවෙනවා. මෙහි දී පාසල් දරුවන්ට පාසල් නිලඇඳුම වෙනුවට ශ්‍රමදාන කටයුතු සඳහා සහභාගී විය හැකි විනීත ඇඳුමකින් සැරසී පැමිණීමට ද අවසර ලබා දී තිබෙනවා.
මෙම ඩෙංගු මර්දන ශ්‍රමදාන වැඩසටහන එළඹෙන සෙනසුරාදා(29) සහ ඉරිදා(30) දිනයන්හි දී ද පාසල් පරිශ්‍රයන් සහ ඒ අවට ක්‍රියාත්මක කිරීමට කටයුතු යොදා ඇති අතර, ඒ සඳහා ද පාසල් ප්‍රජාවගේ සක්‍රීය දායකත්වය ලබාගැනීමට නියමිතයි.