AD HERE

මෙරට ප්‍රධාන පෙළේ හෝටල්වල සංචාරකයන් විසින් සිදු කළ වෙන්කිරීම් අවලංගුයි

2018 ලෝන්ලි ප්ලැනට් දර්ශකයට අනුව ලෝකයේ සංචාරය කිරීමට සුදුසුම රටවල් අතරින් ලෝකයේ සියලු රටවල් අභිබවා ප්‍රථම ස්ථානය දිනා ගැනීමට සමත් වූ ශ්‍රීලංකාවේ සංචාරය කිරීම විදේශිකයන් ප්‍රතික්ෂේප කරමින් තිබේ.

ඉතිහාසයේ කිසිදු දිනක නොවූ විරූ ආකාරයෙන් හිල්ටන්, සිනමන් හෝටල් ජාලය හා ජෙට්වින් හෝටල් ජාලය ඇතුළු මෙරට ප්‍රධාන පෙළේ හෝටල්වල සංචාරකයන් විසින් සිදු කළ වෙන්කිරීම් අවලංගු වී ඇත.

එසේම කුඩා හා සුළු සංචාරක කර්මාන්තකරුවන් සිය සේවකයන්ට වැටුප් ගෙවා ගත නොහැකිව අර්බුදයට ලක් වී තිබේ. පවතින තත්වය හමුවේ මෙරට බැංකු පද්ධතියට මරු පහරක් එල්ල වී ඇත.

මේ නිසා ශ්‍රී ලංකාවේ සංචාරක කර්මාන්තයට සමස්ත බැංකු පද්ධතිය දී ඇති ණය බොල් ණය බවට පත් වේදෝයි සැකයක් පවතින බව දේශපාලන විශ්ලේෂකයෝ පවසයි.

කුලී රථ සේවාවන් ද බිඳ වැටෙයි

පවතින දේශපාලන තත්වය හමුවේ මෙරට කුලී රථ සේවාවන් ද බිඳ වැටී ඇති බව වාර්තා වෙනවා. විශෞෂයෙන්ම මෙම සේවාවන් භාවිත කරන විදේශිකයන් ගේ පැමිණීම අඩු වීම සහ දේශපාලන තත්වය නිසා ඇති වී තිබෙන ආර්ථික අර්බුද හේතුවෙන් මෙම සේවාවන් භාවිත කරන පිරිස අඩු වී තිබෙනවා.

මේ නිසා කුලී රථ හිමියන්ට සිය ෆිනෑන්ස් වාරික පවා ගෙවීමට නොහැකි තත්වයක් උදා වී ඇති බව වාර්තා වෙනවා.

ආණ්ඩුව ස්ථාවර නැති නිසා රටේ ව්‍යාපාර කඩා වැටිලා : කොළඹ ව්‍යාපාරික සංගමය 

වර්තමානයේ ස්ථාවර ආණ්ඩුවක් නොමැති වීම නිසා රටේ ව්‍යාපාර ගණනාවක් කඩා වැටී  ඇති බවත් , කඩා වැටී ඇති ආර්ථිකය ගොඩ නැංවීමට ඉක්මනින් මැතිවරණයක් කැඳවන්නැයි කොළඹ ව්‍යාපාරික සංගමය අධිකරණය ,ජනාධිපතිවරයා ඇතුළු වගකිව යුතු බලධාරීන්ගෙන් ඉල්ලා සිටින්නේ යැයි එම සංගමයේ ප්‍රධාන ලේකම් චමින්ද විදානගමගේ මහතා අද  (18) කොළඹදී පැවති ප‍්‍රවෘත්ති සාකච්ඡාවකදී පැවසීය.

රටේ පවතින දේශපාලන අර්බුදකාරී තත්ත්වය සම්බන්ධයෙන් ව්‍යාපාරිකයින් මුහුණපා ඇති ගැටලූ සම්බන්ධයෙන් දැනුම්වත් කිරීම සඳහා කොළඹ ව්‍යාපාරික සංගමය විසින් ෂැන්ගි‍්‍රලා හෝටලයේදී අද (18)  මාධ්‍ය හමුවක් පැවැත්වූ අතර එහිදී හෙතෙම මේ බව කියා සිටියේය. 

පවතින දේශපාලනික අර්බුදයෙන් සිදුවන්නේ රට තව තවත් ආගාධයකට යෑම පමණක් බැවින් වහා මැතිවරණයක් කැඳවා ජනතා විශ්වාසය ඇති ආණ්ඩුවක් පිහිටුවා රටේ ආර්ථික වර්ධනය ඉහළ නැංවිය යුතු යැයිද එහිදී වැඩිදුරටත් අදහස් දැක්වූ කොළඹ ව්‍යාපාරික සංගමයේ ප‍්‍රධාන ලේකම්වරයා පැවසීය.

මාධ්‍ය හමුවේදී වැඩිදුරටත් අදහස් දැක්වූ කොළඹ ව්‍යාපාරික සංගමයේ ප‍්‍රධාන ලේකම් චමින්ද විදානගමගේ මහතා මෙසේද කීය.

‘‘ පසුගිය වසර තුන හමාරක කාලය තුළ රටේ ව්‍යාපාර සම්පූර්ණයෙන් කඩා වැටුණා.සීඝ‍්‍රයෙන් පහළ යමින් පවතින ආර්ථික තත්ත්වයක් අපේ රටේ තිබෙනවා.මේ සියලූ දේත් සමඟින් අද ඇති වී තිබෙන දේශපාලන අස්ථාවරභාවය නිසා ව්‍යාපාරිකයින් ගැටලූ රාශියකට මුහුණ පා සිටින බව සඳහන් කළ යුතුයි.ඇත්තවශයෙන්ම සඳහන් කළොත් ව්‍යාපාර කර ගන්න බැරි මට්ටමට පහත වැටිලා.

තොග වෙළඳාම් ක්ෂේත‍්‍රයට, සංචාරක කර්මාන්තයට ,ආයෝජන කටයුතු වලට මේ තත්ත්වය වැඩියෙන්ම බලපා තිබෙනවා.එළැඹෙන දෙසැම්බර් සහ අප්‍රේල් මාස කියන්නේ අපේ ව්‍යාපරිකයින් වැඩිපුර ලාභ ලබා ගන්නා කාලයයි.මේ රටේ අර්බුදයක් ඇති වී ඇත්තේ එවැනි අවස්ථාවකයි.

නොවැම්බර් මාසයේ සිට ලබන මාර්තු මාසය දක්වා මේ රටේ පවතින්නේ සංචාරකයින් වැඩිපුර මෙරටට පැමිණෙන කාලයයි.පවතින දේශපාලන අස්ථාවරභාවය නිසා මේ කාලය තුල සංචාරකයින් විසින් වෙන් කරවා ගත් හෝටල් කාමර සංඛ්‍යාව සියයට 50 කින් පමණ කප්පාදු කර තිබෙනවා.මේ නිසා සංචාරක කර්මාන්තයේ නිරතව සිටින මිලියන තුනකට වැඩිපිරිස් යැපෙන සෘජු හා වක‍්‍ර ආකාර සේවා කටයුතු වලට බලපා තිබෙනවා.අපේ සංගමය වැඩිපුර නියෝජනය පවතිනවා තොග වෙළදාමට සම්බන්ධ පාර්ශව වලින්. 

මේ තොග වෙළදාම පවතින්නේ ගමේ ගොවි මහත්වරුන්ගේ සිට මැනිං මාර්කට් එක හරහායි.අද වෙන කොට අපේ රටේ ගම්මිරිස් ,ඉඟුරු වැනි දේ පවා පිටරටින් ගෙන්වන විට කාලයක, අපේ ගමේ ගොවි මහත්වරුන්ගේ ඵලදාවෙන් මෙහෙය වන තොග වෙළදාම රටේ දේශපාලන අස්ථාවරභාවය නිසා කඩා වැටෙනවා නම් ඒක දැනෙන්නේ ගමේ සිටන ජනතාවටයි.

මේ ආකාරයෙන් ව්‍යාපාර ක්ෂේත‍්‍රය සේම , සෑම ක්ෂේත‍්‍රයක්ම මේ වන විට කඩා වැටිලා.ඉතා ඉක්මනින් මේ දේශපාලන අවිනිශ්චිතභාවය විසඳා නොගතහොත් රට අරාජික තත්ත්වයට පත්වෙනවා.අපේ සිංගමය කිසිදු දේශපාලුන පක්ෂයකට අනුගත සංවිධානයක් නොවෙයි.අප සංගමය ඉකුත් ජනාධිපතිවරණයේදී සහ මහමැතිවරණයේ සහාය දැක්වූයේ රටේ යහපාලනයක් ගොඩ නැගීමටයි.නමුත් අපි දන්නවා පසුගිය වසර තුන මහාරේදී ඒ කිසිවක් ඉටු වුනේ නැහැ.ඒ නිසා මේ ඔළු ගෙඩි වලින් පාර්ලිමේන්තු බහුතරය පෙන්වීමට වඩා රටේ මැතිවරණයක් කැඳවා දේශීය ව්‍යාපාරිකය රැක ගන්නා ,රටේ ජනතාව රැකගන්නා ආණ්ඩුවක් පිහිටුවීමට අවස්ථාව සලසා දෙන්නැයිද කොළඹ ව්‍යාපාරික සංගමය ජනාධිපතිවරයාගෙන් , අධිකරණයෙන් ඇතුළු වගකිව යුතු බලධාරීන් ගෙන ඉල්ලා සිටින්නේ යැයදි චමින්ද විදානගමගේ මහතා කියා සිටියේය.

කොළඹ ව්‍යාපාරික සංගමයේ සභාපති වසන්ත කරුණානායක 

අපේ ලේකම්තුමා පැවසූ පරිදි රටේ පවතින දේශාපලන අර්බුදයෙන් ගොඩට ඒමට නම් මැතිවරණයක් කැඳවිය යුතුයි. නැත්නම් එන්න එන්නම මේ ආකාරයෙන් ව්‍යාපාර කඩා වැටුණහොත් ඉන් අසරණ වන්නේ රටේ ජනතාවයි.ඒනිසා ඉදිරියේදී යම් මැතිවරණයක් පවත්වන්නේ නම් එහිදී ජනතාව තෝරා ගත යුත්තේ කෙබඳු නියෝජිතයින් පිරිසක්ද යන්න යන පිළිබඳව ජනතාව තුළ මතයක් සැදීමට කොළඹ ව්‍යාපාරික සංගමය බලාපොරොත්තු වනවා.

කොළඹ ව්‍යාපාරික සංගමයේ ප‍්‍රධාන උපදේශක අචල ගමගේ

‘‘ අපි කිසිදු දේශපාලන පක්ෂයක න්‍යාය පත‍්‍රයක් වෙනුවෙන් පෙනී සිටින්නේ නැහැ.නමුත් රටේ ඇති තිබෙන තත්ත්වය ගැන ව්‍යාපරික ප‍්‍රජාව ලෙස අපි රටේ ජනතාව තොරතුරු ලබා දිය යුතුයි.රටේ මේ මොහොතේ පවතින අස්ථාවර තත්ත්වය නිසා එදිනෙදා ව්‍යාපාර කටයුතු , සංචාරක කර්මාන්තය ,අයෝජන අවස්ථා , කුඩා හා මධ්‍ය පරිමාණ ව්‍යාපාර සියල්ල කඩා වැටී තිබෙනවා .මේ තත්ත්වය හමුවේ ඉකුත් වසරේ සියයට 4 ක් වූ ඉතාම සුළු ආර්ථික වර්ධන වේගය මේ වසරේදී තවත් පහළ යනු ඇත.ඒනිසා අපි පවතින රජයෙන් හා පසුගිය රජය නියෝජනය කරන සියලූම පක්ෂවලින්  ඉතාම කාරුණිකව ඉල්ලා සිටින්නේ ව්‍යාපාරික ප‍්‍රජාවට ව්‍යාපාර කටයුතු සිදුකිරීමට අවශ්‍ය පසුබිම සකසා දීමටත් , ස්ථාවර ආණ්ඩුවක් වෙනුවෙන් මහජන මතය ලබා ගැනීම සඳහා මහමැතිවරණය කැඳවීමට සහාය දෙන ලෙයසි.මන්ද මේවන විට රටේ පවතින තත්ත්වය ගැන ඔවුන් දෙපාරක් සිතිය යුතුයි.

එම සංගමයේ උප සභාපතිනී මිනෝලි රත්නායක

‘‘ අද වන විට පවති මෙම අර්බුදකාරී තත්ත්වය නිසා රටේ ව්‍යාපාරිකයින්ගේ ව්‍යාපාර සම්පූර්ණයෙන්ම බිඳ වැටිලා.විශේෂයෙන්ම මෙය දැඩි බලපා තිබෙන්නේ මය්‍ය පරිමාණ සහ මහ පරිමාණ ව්‍යාපාරිකයින් හටයි.එම ව්‍යාපාරිකයින් බැංලකු වලින් ලබා ගත් ණය ගෙවීම් නිසි පරිදි සිදු කිරීමට නොහැකිව අසරණ වෙලා.අඩුම තරමේ එදිනෙදා වශයෙන් ලබා ගත් ආදයම පියවා ගත නොහැකිව අවමය රුපිලයල් දස දහසේ සිට  රුපියල් ලක්ෂ විස්සේ පමණ වටිනාකම් සඳහා නිකුත් කළ චෙක්පත් ප‍්‍රතික්ෂේප වෙලා.( එම එලෙස ප‍්‍රතික්ෂේප වූ චෙක්පත් මාධ්‍යවේදීන් වෙත ප‍්‍රදර්ශනය කරමින්) බැංකු අයිරා නිකුත් කිරීම නතර වෙලා.පවතින ජීවන වියදම වැඩි වූවත් ,ඊට සාපේක්ෂව අපට ආදායම ලැබෙන්නේ නැහැ.එවිට අපි අපේ සේවක පඩි නඩි ගෙවීම කටයුතු  වලදී පවා ව්‍යාපාරිකයින් ලෙස ගැටලූ රැුසකට මුහුණ පා සිටිනවා.කට වචනයෙන් කියනවා නම් ව්‍යාපාරිකයෝ ලෙස අද අපිට රෝල ගහගන්නවත් විදියක් නැතිවෙලා.

ඒනිසා රටේ පවතින අස්ථාවර දේශපාලනය වෙනුවට ඉක්මනින් ඡන්දයක් පවත්වා ජනතාව කැමති පිරිස් පාර්ලිමේන්තුවට යවා , ස්ථාවර රජයක් පිහිටුවිය යුතු යැයිද මිනෝලි රත්නායක මහත්මිය පැවසුවාය.

කොළඹ ව්‍යාපාරික සංගමයේ සාමාජික සංජය පෙරේරා

මේ ව්‍යාපාර කඩා වැටීම නිසා ව්‍යාපාරිකයින් තමන්ගේ ව්‍යාපාර ගෙඩ නැගීම ලබා ගත් ණය ගෙවීමට නොහැකි වී සිටිනවා.ඔවුන් නම් ණය තොරතුරු කාර්යාංශයේ ලේඛනගත වීමෙන් ප‍්‍රශ්න රැුසකට මුහුණු පා සිටිනවා.පසුගිය කාලය පුරා මේ රටේ ව්‍යාපාර 130 කට වැඩි පිරිසක් කඩා වැටුනා.මේ ව්‍යාපාර කඩා වැටීම තුන්දහසක් පමණ සේවක පිරිසකට රැකියා අහිමි වුනා.මේ යන විට ඉදිරි මාසවලදී මේ තත්ත්වය තව තවත් දරුණු විය හැකියි.ඒ නිසා අප සංගමයක් ලෙස අපි සියලූ පක්ෂ වලින් ඉල්ලා සිටිනවා මේ තත්ත්වය වර්ධනය කරන්න එපා කියලා.මේ රට යන ආගාධය නිසා රටේ ජනතාව ගෙවන හැම තත්ත්පරයක්ම ජීවිත අවදානමක් බවට පත් වෙලා යැයි සංජය පෙරේරා මහතා කීය.