AD HERE

ඔක්තෝබර් 26 දා කුමන්ත්‍රණය දැන් පිළිකාවක් බවට පත්වෙලා-සරත් විජේසූරිය

ජනපති මෛත්‍රීපාල සිරිසේන මහතා ඔක්තෝබර් 26 දා නව අග්‍රාමාත්‍යවරයෙක් පත්කිරීම හරහා සිදුකළ කුමන්ත්‍රණය දැන් පිළිකාවක් බවට පත්ව ඇති බව සාධාරණ හෙටක් ජාතික ව්‍යාපාරයේ සභාපති මහාචාර්ය සරත් විජේසූරිය මහතා පවසයි. කොළඹදී පැවැති සත්‍යග්‍රහය ආරම්භ කරන අවස්ථාවට එක්වෙමින් ඔහු මේ බව ප්‍රකාශ කළේය.
“මෛත්‍රීපාල සිරිසේන මහතා කළ කුමන්ත්‍රණය පිළිකාවක් වෙලා. අරුන්දික කථානායක පුටුවේ වාඩි වෙන්නේ ජනපති මෛත්‍රීපාල සිරිසේන මහතාගේ අනුදැනුම මතයි. කතානායකතුමා එදා පොලීසිය නැතිව පාර්ලිමේන්තුවට ආවා නම් ඝාතනය කරනවා.
මෛත්‍රීපාල සිරිසේන මහතා තමන්ට ලැබුණ ජනවරමට පිටුපාලා ඉන්නේ. ඔහුට දැන් ජනවරමක් නෑ. ඔහුට ඡන්දය දුන් හැට දෙලක්ෂයක් වන ජනතාව වල පල්ලට යැව්වා. ජනපතිවරයා ව්‍යවස්ථාව කුණු කූඩයට දැම්මා.
මේ නැති කරන්නට හදන්නේ අපේ රට. දරුවන්ගේ අනාගතය. මානව හිමිකම් නැති කරන්නයි උත්සාහ කරන්නේ. මෛත්‍රීපාල සිරිසේන හැමදාම බුදුන් වදින පුද්ගලයෙක් ලෙස ඔහුට ප්‍රඥාව පහළ වේවායි කියලා අපි ප්‍රාර්ථනා කරනවා”