AD HERE

ව්‍යවස්ථා කුමන්ත්‍රණයට එරෙහිව අඛණ්ඩ සත්‍යග්‍රහයක්

සිවිල් සංවිධාන සහ වෘත්තීය සමිති එකමුතුව සංවිධානය කළ ප්‍රජාතන්ත්‍රවාදය හා ව්‍යවස්ථාව රැකගැනීමේ අඛණ්ඩ සත්‍යග්‍රහය කොළඹ නගර ශාලාව ඉදිරිපිට බුදු පිළිමය අසලදී අද (21) ආරම්භ විය.
අද පස්වරු 4.00 ට පමණ ආරම්භ වූ මෙම සත්‍යග්‍රහය සඳහා ආගමික නායකයන්, සිවිල් සංවිධාන නියෝජිතයන්, වෘත්තිකයන්, කලාකරුවන් ඇතුළු පිරිසක් එක්ව සිටියහ.
‘‘ජනපති සිරිසේනගේ ව්‍යවස්ථා කුමන්ත්‍රණයෙන් රට අනතුරේ‘‘ යන තේමාවෙන් එය ආරම්භ විය.
මෙම අවස්ථාව සඳහා එක්සත් ජාතික පෙරමුණේ පාර්ලිමේන්තු මන්ත්‍රීවරුන් වන පාඨලී චම්පික රණවක, දයා ගමගේ ,චන්ද්‍රානි බන්ඩාර, හර්ෂ ද සිල්වා, මුජබර් රහුමාන්, අජිත් පී පෙරේරා, ආංශු මාරසිංහ යන යන මහත්ම මහත්මීන් ඇතුළු පිරිසක් එක්ව සිටියහ.